Komanga Londonning top-klubi qiziqish bildirmoqda

Vinger Kingsli Koman yaqin kunlarda "Bavariya"ni tark etishi mumkin. Frantsiyalik futbolchining "Al-Hilol"ga o'tishga roziligi haqida ma'lumot paydo bo'ldi, ammo 28 yoshli futbolchining agenti bu ma'lumotni rad etdi.

Daily Mail nashri xabariga ko'ra, Komanga "Arsenal" qiziqish bildirmoqda. Londonliklar maosh borasida “Al-Hilol” bilan raqobatlashishga tayyor emaslar, ammo futbolchiga yuqori saviyada yaxshi loyiha taklif qilishlari mumkin.

Qayd etilishicha, "Arsenal" bosh murabbiyi Mikel Arteta hujum chizig'ida raqobatni kuchaytirmoqchi. Oldinroq mish-mishlar Kingsli Komanni Premer-liganing yana bir top klubi - "Liverpul" bilan bog'lagan edi. Frantsiyalik futbolchini Transfermarkt 50 million evroga baholamoqda.