"Napoli" yangi yarim himoyachi topdi

"Atalanta" yarim himoyachisi Davide Dzappakosta yozgi transfer oynasining so'nggi kunlarida klubini o'zgartirishi mumkin. Bu haqda jurnalist Nikolo Skiraning ijtimoiy tarmoqlarida xabar berildi.

Manbaning xabariga ko'ra, futbolchining transferiga "Napoli" qiziqish bildirmoqda. Neapolliklar jamoasi bosh murabbiyi Antonio Kontening fikricha, Dzappakosta jamoa uchun yaxshi kuch bo'ladi.

32 yoshli yarim himoyachining "Atalanta" bilan shartnomasi kelasi yilning o'rtalariga qadar tuzilgan. Uning transfer narxi olti million evroga baholanmoqda. Italiya chempionatining joriy mavsumida Davide ikkita o'yin o'tkazib, bitta golli uzatmani amalga oshirdi.