Rasman! "Yuventus" yangi transferni amalga oshirdi

Portugaliya terma jamoasining 21 yoshli hujumchisi Fransishku Konseysau rasman Turinning “Yuventus” klubi futbolchisiga aylandi. "Portu"dan ko'chib o'tgan futbolchi Italiya jamoasida joriy mavsum oxirigacha ijara asosida o'ynaydi.

Ijaraga sotib olish optsiyasi kirmasligi avvalroq xabar qilingan edi. Shartnoma 7 million evroga teng bo'lib, Portugaliya klubi yana 3 million evrogacha bonus olishi mumkin.

O'tgan mavsumda 21 yoshli futbolchi "Portu"ning barcha turnirlar doirasidagi 43 ta o'yinida qatnashib, 8 ta gol urdi va 8 ta golli uzatmani amalga oshirdi. Fransishku Konseysau terma jamoa tarkibida Evro-2024da ishtirok etgan.

Transfermarkt portalida berilgan ma'lumotlarga ko'ra, futbolchining bozor qiymati 22 million evroni tashkil qiladi.