Gvardiola Alvaresning o'rniga yaponiyalik hujumchini olib kelmoqchi

"Manchester Siti" bosh murabbiyi Pep Gvardiola jamoasi hujum chizig'iga yangi futbolchi topdi.

Jurnalist Sasha Tavolerining xabar berishicha, ispaniyalik mutaxassis "Seltik"ning yaponiyalik hujumchisi Kyogo Furuxasini kuzatmoqda. Manbaning ta'kidlashicha, Gvardiola "Manchester Siti" va "Seltik" o'rtasidagi o'rtoqlik o'yinidagi hujumchining o'yinidan hayratda qolgan.

Furuxasining transfer narxi 14 million evroga baholanmoqda. Joriy mavsumda 29 yoshli hujumchi Shotlandiya jamoasining ikkita uchrashuvida ishtirok etdi.