"Vilyarreal" Kabo-Verde terma jamoasi futbolchisini sotib oldi

"Vilyarreal" Kabo-Verde milliy terma jamoasi himoyachisi Logan Kostani "Tuluza"dan sotib oldi.

23 yoshli futbolchi 2030 yilgacha mo'ljallangan shartnoma imzoladi. Le Parisien nashri xabariga ko'ra, transfer summasi 18 million evroni tashkil qilgan.

O'tgan mavsum Kosta uchun Liga 1dagi ilk to'liq mavsumi bo'ldi. U "Tuluza" tarkibida 31 o'yinda maydonga tushdi (1 gol, 1 golli uzatma va 6 sariq kartochka).

Logan Afrika kubogida Kabo-Verde terma jamoasi safida ham o'ynagan.