"Chelsi" futbolchisi Angliyaning boshqa klubiga ko'chib o'tdi

"Chelsi" yarim himoyachisi Lesli Ugochukvu "Sautgempton"ga ko'chib o'tdi, deb xabar beradi "avliyolar" rasmiy sayti.

London klubi 20 yoshli frantsiyalik futbolchini 2025 yilning 31 mayigacha ijaraga berdi. "Sautgempton"ning sotib olish huquqi yo'q. Tayanch yarim himoyachisining "Chelsi" bilan shartnomasi 2030 yilning 30 iyuniga qadar mo'ljallangan.

U 2023 yilning 1 avgustida "Renn"dan 27 million evro evaziga "ko'klar"ga o'tgan edi. Lesli Ugochukvu "Chelsi" safida 15 ta o'yin o'tkazdi, biroq gol ura olmagan.