"Nottingem Forest" argentinalik futbolchi bilan shartnoma imzoladi

Argentinaning "Taleres" klubi hujumchisi Ramon Sosa "Nottingem Forest"ga ko'chib o'tdi, deb xabar beradi ingliz klubi rasmiy sayti.

Transfer summasi 12 million evroni tashkil qildi. Shartnoma 2029 yilning 30 iyuniga qadar imzolangan. 24 yoshli vinger Paragvay terma jamoasi futbolchisi hisoblanadi.

U terma jamoa safida 14 ta o'yin o'tkazib, 1 ta gol va 1 ta golli uzatmani amalga oshirgan. Ramon Sosa Taleres tarkibida 56 ta o'yin o'tkazib, 17 ta gol urdi va 13 ta golli uzatmani amalga oshirdi. U, shuningdek, Paragvayning "River Pleyt" (Asunson) va "Olimpiya", shuningdek, Argentinaning "Ximnasiya La-Plata" klublarida o'ynagan.