"Atalanta" o'z safiga A Seriyaning boshqa klubi futbolchisini qo'shib olmoqchi

"Atalanta" tez orada o'z safiga yangi yarim himoyachini qo'shib olishi mumkin.

Jurnalist Fabritsio Romano bergan xabarga ko'ra, klub vakillari "Udineze" yarim himoyachisi Lazar Samardjichning agentlari bilan uchrashgan. Tomonlar o'rtasidagi kelishuv ancha yaqin ekani xabar qilinmoqda.

Manba, shuningdek, "Atalanta" Samardjich uchun tovon puli miqdorini kelishib olish maqsadida "Udineze" bilan bog'langani haqida xabar berdi. "Atalanta" tez orada Tyon Koepmaynersni Turinning "Yuventus" jamoasiga sotgani uchun 52 million evro ishlab oladi. Bu summa klub Samardjichning transferini amalga oshirishga yordam beradi. 22 yoshli Lazar o'tgan mavsum A Seriyada 6 ta gol urdi va 2 ta golli uzatmani amalga oshirdi.