"Roma" Shomurodov bo'yicha 5 million dollarlik rasmiy taklif oldi

Amerikaning MLS klubi "Atlanta Yunayted" hujumchi Eldor Shomurodov bo'yicha "Roma"ga rasmiy taklif yubordi.

Italiya OAVsi bergan ma'lumotlariga ko'ra, taklif 5 million dollarni tashkil etadi (bu hozirgi kurs bo'yicha taxminan 4,5 million evro). Bu muzokaralarni boshlash uchun dastlabki taklifning summasi.

Oldinroq insayder Fabritsio Romano o'zbekistonlik hujumchi borasida "Atlanta Yunayted" va "Roma" o'rtasidagi aloqalar haqida xabar bergan edi. Shomurodov “Roma”da uch yildan buyon o'ynab kelmoqda, biroq hujumchimiz uch mavsumning ikkitasini A Seriyaning boshqa klublari - “Spetsiya” va “Kalyari”da ijara asosida o'tkazdi.