"Chelsi"ning taklifi "Atletiko"ni qoniqtirmadi

"Atletiko Madrid"ni "Chelsi"ning Joau Feliks bo'yicha taklifi qoniqtirmadi.

Xabar qilinishicha, Madrid klubi portugaliyalik futbolchini 50 million evroga baholamoqda. Shu bilan birga, Feliksning kelishuvi Konor Gallaxerning "Atletiko Madrid"ga o'tishida hal qiluvchi ahamiyatga ega bo'ladi.

Jurnalist Dankan Kaslsning so'zlariga ko'ra, Madridning "Atletiko" klubi "Chelsi"ning Feliks bo'yicha dastlabki taklifidan norozi. Madridliklar dastlab Gallaxer bilan shartnomaga forvard Sama Omorodionni qo'shmoqchi edilar, chunki uning sotuvi moliyaviy feyr-pley sharoitida klubga katta foyda keltiradi.

Eslatib o'tamiz, "Chelsi" Omorodionni 35 million evroga sotib olishga yaqin turgandi, biroq shartnomadagi o'zgarishlar tufayli transfer amalga oshmay qoldi.