"MYu" va "Milan" Danilo borasida so'rov yubordi

Jurnalist Rodrigo Fragoso xabariga ko'ra, tayanch yarim himoyachi Danilo dos Santosning atrofidagilar "Manchester Yunayted" va "Milan"dan so'rovlar olgan.

"Nottingem Forest" 23 yoshli braziliyalik futbolchini taxminan 40 million evro evaziga qo'yib yuborishga tayyor.

Qiziqish bor, lekin hozircha rasmiy takliflar kiritilmagan.

Futbolchi 2023 yilning yanvaridan beri "Nottingem Forest" klubida o'ynamoqda. U 2023 yilda "Palmeyras"dan 20 million evro + bonuslar evaziga sotib olingan.

O'shandan beri u 49 ta o'yinda 6 ta gol urdi va 4 ta golli uzatmani amalga oshirdi.