"Nyukasl" futbolchisi "Manchester Siti"ga o'tishni kutmoqda

"Nyukasl" yarim himoyachisi Brunu Gimaraes Angliya Premer-ligasining boshqa jamoasiga o'tishga tayyor.

The Athletic nashri xabariga ko'ra, braziliyalik futbolchi hali ham "Manchester Siti"ga o'tmoqchi. Oldinroq "shaharliklar" bosh murabbiyi Pep Gvardiola Gimaraesni o'z jamoasiga olishni juda xohlayotgani xabar qilingandi, biroq "Nyukasl" avvalroq "Manchester Siti"ni 130 million evro tovon puli so'ragan holda qo'rqitdi.

Avvalroq Brunuga "Barselona" va "Arsenal" klublari ham qiziqish bildirgan. O'tgan mavsumda Gimaraes Angliya Premer-ligasida 7 ta gol urdi va 8 ta golli uzatmani amalga oshirdi.