"Ayaks" "Arsenal" posbonini o'z safiga qo'shib olmoqchi

Amsterdamning "Ayaks" klubi o'tgan mavsumda David Rayyaga raqobatda mag'lub bo'lgan va asosiy tarkibdagi o'rnini boy bergan Londonning "Arsenal" klubi darvozaboni Aaron Ramsdeylga ko'z tikmoqda.

Jurnalist David Ornshteynning ma'lumotlariga ko'ra, "Ayaks" "Arsenal"ga mavsum oxirigacha ijara taklif qilgan, ammo "kanonirlar" darhol rad etishgan. Mikel Arteta shogirdlari Aaronni doimiy ravishda sotmoqchi.

Qayd etilishicha, “Ayaks” poygadan chiqmagan va kelishuvni qulay shartlarda yakunlashga umid qilmoqda. Avvalroq Ramsdeylga Angliya Premer-ligasining bir qancha klublari, jumladan, "Nyukasl" ham qiziqish bildirayotgani haqida xabar berilgandi. Aaron "Arsenal"da 2021 yilning yozidan "Sheffild Yunayted"dan ko'chib o'tganidan beri o'ynamoqda.