"Barselona" Uilyamsga muqobil variant izlashni boshladi

Kataloniyaning "Barselona" klubi yozda "Atletik Bilbao" vingeri Niko Uilyamsni qo'lga kirita olmasligi ma'lum bo'ldi.

Mundo Deportivo nashri xabariga ko'ra, "ko'k-anorranglilar" muqobil variantlarni izlay boshlagan. Uilyams yaqinda yangi mavsumdan boshlab Bilbaoning "Atletik" klubida o'ninchi raqamli libosda o'ynashini e'lon qildi.

Shu tariqa ispaniyalik futbolchi yozda jamoasini tark etish niyatida emasligini ma'lum qildi. "Barselona" qaysi qanot hujumchisi bilan shartnoma imzolashi hozircha noma'lum.

Avvalroq, "ko'k-anorranglilar" Uilyams uchun futbolchining shartnomasida tovon puli sifatida ko'rsatilgan 58 million evro to'lashdan bosh tortgan edi.