"Chelsi" o'z futbolchisini Frantsiya klubiga ijaraga berib yubordi

"Chelsi" himoyachisi Kaleb Uayli ijara asosida Frantsiyaning "Strasburg" jamoasiga o'tdi, deb xabar bermoqda frantsuz klubi matbuot xizmati.

Shartnoma 2024/25 yilgi mavsum oxirigacha amal qiladi.

Chap qanot himoyachisi "Chelsi"ga 2024 yilning iyulida "Atlanta"dan kelib qo'shilgan va "ko'klar" safida birorta ham o'yin o'tkazmagan.

19 yoshli Uayli Amerika klubi safida 85 ta o'yin o'tkazib, 6 ta gol urdi va 7 ta golli uzatmani amalga oshirdi. U AQSh terma jamoasi safida 2 ta o'yin o'tkazgan.