Angliya klubi Neko Uilyamsni "Atalanta"ga sotishdan bosh tortdi

"Nottingem Forest" himoyachisi Neko Uilyamsni "Atalanta"ga sotmaslikka qaror qildi, deya xabar beradi jurnalist Fabritsio Romano.

Manbaga ko'ra, italyan klubi 23 yoshli uelslik futbolchi uchun 20 million evrodan ko'proq taklif qilgan, biroq ingliz jamoasi futbolchini o'zida saqlab qolishga qaror qilgan.

Uilyams "Nottingem Forest"da 2022 yilning iyulidan beri o'ynamoqda va uning klub bilan shartnomasi 2026 yilning iyun oyi oxirigacha amal qiladi.

Uilyams 2023/24 yilgi mavsumda “Nottingem Forest” safida 32 ta o'yinda maydonga tushib, 1 ta golli uzatmani amalga oshirdi. Transfermarkt portali futbolchining narxini 17 million evroga baholagan.