Rasman! "PSJ" yangi transferni e'lon qildi

"PSJ" rasmiy sayti orqali Germaniyaning "Ayntraxt" klubi himoyachisi Villian Pachoning transferini e'lon qildi. 22 yoshli futbolchi Frantsiya 1-ligasi giganti bilan 2029 yilning o'rtalariga qadar 5 yillik shartnoma imzoladi.

Pacho "PSJ" tarixidagi ekvadorlik birinchi futbolchiga aylandi. Himoyachi o'zining yangi klubida noodatiy - 51-raqamni tanladi. Villian Pachoning Evropadagi faoliyati ancha tez rivojlanayotganini aytish kerak.

2022 yilning yanvarida himoyachi Evropa qit'asiga etib keldi va "Antverpen"ga ko'chib o'tdi. 2023 yilning yozida Pacho Frankfurtning "Ayntraxt" jamoasiga, endi esa "PSJ"ga o'tdi.