Alvares "Atletiko" bilan qachon shartnoma imzolashi ma'lum bo'ldi

"Manchester Siti" hujumchisi Xulian Alvares tez orada "Atletiko Madrid"ga o'tadi. Oldinroq klublar argentinalik futbolchining transferi bo'yicha kelishib olgani haqida xabar berilgandi.

Jurnalist Sezar Luis Merloning xabar berishicha, 24 yoshli Alvares 12 avgust, dushanba kuni “Atletiko Madrid”ga o'tishdan oldin tibbiy ko'rikdan o'tadi. Manbaga ko'ra, agar hammasi joyida bo'lsa, shundan so'ng futbolchi darhol "matraschilar" bilan 2029 yilgacha shartnoma imzolaydi.

2023/24 yilgi mavsumda Alvares barcha turnirlarni hisobga olgan holda 54 ta o'yinda maydonga tushib, 19 ta gol urdi va 13 ta golli uzatmani amalga oshirdi.