"Manchester Yunayted" norvegiyalik futbolchini kuzatmoqda

"Manchester Yunayted" yangi yarim himoyachi qidirishda davom etmoqda.

Sky Sports nashrining ma'lumotlariga ko'ra, Erik ten Xag jamoasi e'tiborini "Byornli" futbolchisi Sander Bergega qaratgan.

Manbaning xabariga ko'ra, "Manchester Yunayted" potentsial kelishuv shartlarini allaqachon o'rganmoqda. Berge "mankunianliklar" bosh murabbiyi Erik ten Xagga yoqadi va u jamoaning yarim himoyasini kuchaytirishga muhtojligiga ishonadi.

Berge avvalroq "Sheffild Yunayted"da o'ynagan va Angliya Premer-ligasining turli top-klublari qiziqishlari doirasiga tushgan. 26 yoshli norvegiyalik futbolchi o'tgan mavsumda chempionatda bitta gol urdi va ikkita golli uzatmani amalga oshirdi.