Germaniya terma jamoasi futbolchisi "Shtutgart"ning to'laqonli futbolchisiga aylandi

Germaniyaning "Shtutgart" klubi yangi transferini e'lon qilishga hozirlik ko'rmoqda.

Sebastyan Xyones shogirdlari o'tgan mavsumda shtutgartliklar safida ijara asosida o'ynagan hujumchi Deniz Undavani o'z safiga qo'shib oladi.

Jurnalist Florian Plettenberg xabariga ko'ra, "Shtutgart" bugun Undavaning transferini e'lon qiladi. Klub hujumchi uchun taxminan 27 million evro to'laydi, bu esa futbolchini "Shtutgart" tarixidagi eng qimmat transferga aylantiradi.

O'tgan mavsumda Undava Germaniya chempionatida 18 ta gol urdi va 9 ta golli uzatmani amalga oshirdi.