"Manchester Siti" Alvaresning o'rniga boshqa futbolchi topib qo'ydi

Hammasi Xulian Alvares tez orada "Manchester Siti"ni "Atletiko Madrid"ga almashtirishi tomon ketmoqda.

Avvalroq, 24 yoshli argentinalik futbolchi ko'proq o'yin amaliyotiga ega bo'lishni xohlayotganini tan olgandi. Endi "Manchester Siti" o'zining hujumkor futbolchisining o'rnini to'ldirish transfer bozoriga kirmoqda.

TodoFichajes nashri xabariga ko'ra, "Manchester Siti" "Kristal Pelas"dan Eberechi Ezeni sotib olishi mumkin. Bu futbolchi ham hujumkor yarim himoyachi, ham qanot vingeri sifatida harakat qila oladi.

Transfermarkt portali mutaxassislari 26 yoshli Ezeni 55 million evroga baholamoqda. Eslatib o'tamiz, Eberechi Eze Angliya terma jamoasi safida Evropa chempionatida ishtirok etgandi.