"Aston Villa" Feliksga taklif bilan chiqadi

"Aston Villa" Jon Duranni Saudiya Arabistoniga sotish bo'yicha kelishuvni yopishi bilanoq Joau Feliksga taklif bilan chiqadi. Bu haqda jurnalist Ektor Gomes xabar bermoqda.

Birinchi taklif 40 million evrodan oshmaydi, chunki "Aston Villa" futbolchining hozirgi bozor qiymati "Atletiko" so'rayotgan 60 milliondan kam ekanligini va Feliksning o'zida ham ko'p takliflar yo'qligini biladi.

Hujumchining transferi Unai Emeri uchun shaxsiy chaqiruv, chunki Emeri Feliksni yulduzga aylantira olishiga ishonadi.

O'tgan mavsumda 24 yoshli portugaliyalik futbolchi "Barselona"da ijara asosida o'ynadi.

Uning hisobida 44 ta o'yinda 10 ta gol va 6 ta golli uzatma bor.