Pepe bugun «Arsenal» safida tibbiy ko'rikdan o'tadi

«Lill» hujumchisi Nikolya Pepe Londonga etib keldi va bugun «Arsenal» safida tibbiy ko'rikdan o'tadi.

L’Équipe bosh redaktori Joel Domenigetti xabar tarqatishicha, ivuarlik futbolchi tibbiy ko'rikdan muvaffaqiyatli o'tsa, "kanonirlar" bilan shartnoma imzolaydi. Ma'lumotlarga qaraganda, 24 yoshli futbolchi «Arsenal» bilan 5 yillik shartnomaga imzo chekadi.

Ushbu transfer turli bonuslarni hisobga olmaganda 80 million evroga teng bo'ladi.

Nikolya Pepe o'tgan mavsumda «Lill» safida barcha musobaqalar doirasida 41ta o'yinda maydonga tushib, 23ta gol urib, 12ta golga uzatma bergandi. Frantsiya klubi futbolchini  2017 yilda «Anjer»dan 10 million evroga sotib olgandi.