"Fulxem" "MYu" futbolchisini sotib olishdan bosh tortdi

Sky Sports nashri xabar berishicha, "Fulxem" "Manchester Yunayted"ga Skott Maktominey uchun yaxshilangan taklif bilan chiqmoqchi emas.

"Mankunianliklar" avvalroq London klubidan tushgan ikkita taklifni rad etgandi. Ikkinchisi 20 million funt sterling edi. "Fulxem" endi bor e'tiborini boshqa transferlarga qaratadi.

O'tgan mavsumda Maktominey 43 ta o'yinda maydonga tushib, 10 ta gol urdi va 3 ta golga assistentlik qildi. Transfermarkt portali futbolchining narxini 32 million evroga baholamoqda.