"PSJ" Alvaresning "Atletiko"ga o'tishini "buzib" qo'yishi mumkin

Hozirda "Manchester Siti"ning 24 yoshli hujumchisi Xulian Alvares "Atletiko Madrid" bilan shaxsiy shartnomasi shartlari bo'yicha muzokaralarni davom ettirmoqda. Bu haqda jurnalist Fabritsio Romano ijtimoiy tarmog'ida xabar berdi.

Manbaga ko'ra, argentinalik futbolchining "matraschilar" safiga o'tishida maosh masalasi hal qiluvchi omil bo'lmoqda. Vaziyat biroz muqaddam "PSJ" unga yillik 10 million evro maosh taklif qilgani sababli, hujumchi hali "Atletiko"ga o'tish borasida yakuniy qarorga kelmagan.

O'tgan mavsumda 24 yoshli hujumchi barcha musobaqalarda 54ta o'yinda ishtirok etib, 19ta gol va 13ta golga assistentlik qilgan. Futbolchining klub bilan amaldagi mehnat shartnomasi 2028 yilning yoziga qadar amal qiladi. Futbolchi Argentina terma jamoasi safida ham 36 ta o'yin o'tkazib, 9 ta gol urgan.