"Fiorentina" yangi xaridni amalga oshirishga juda yaqin turibdi

"Fiorentina" "Jenoa" hujumchisi Albert Gudmundssonni qo'lga kiritishga juda yaqin turibdi, deya xabar beradi Janluka Di Martsio.

Agar ilgari klub taklifi futbolchi ijarasi uchun 5 million evro + 20 millionga sotib olish huquqi bo'lgan bo'lsa, endi u ijara uchun 6-7 million evroga + 18-19 millionga sotib olish huquqiga oshirildi.

"Jenoa" yanada ko'proq pul so'ramoqda, ammo umuman olganda tomonlar kelishuvga juda yaqin.

O'tgan mavsumda 27 yoshli islandiyalik hujumchi 37 uchrashuvda 16 ta gol urdi va 5 ta golli uzatmani amalga oshirdi.

Bungacha u jamoa B Seriyada o'ynagan mavsumda 38 o'yinda 14 gol va 4 golga assistentlik qilgan.