Gallaxer "Atletiko"ga o'tadigan bo'ldi

"Chelsi" yarim himoyachisi Konor Gallaxer faoliyatini "Atletiko Madrid"da davom ettiradi. Bu haqda jurnalist Fabritsio Romano xabar berdi.

Manbaga ko'ra, futbolchi Madrid klubiga o'tishga rozi bo'lgan. "Atletiko" bu transfer uchun 40 million evro sarflaydi va yarim himoyachi bilan 5 yillik shartnoma imzolaydi.

Gallaxerning "Chelsi" bilan shartnomasi 2025 yilning yozida yakuniga etadi. O'tgan mavsumda angliyalik futbolchi londonliklar safida barcha turnirlarda 50 ta o'yin o'tkazib, 7 ta gol urdi va 9 ta golli uzatmani amalga oshirdi.