"Galatasaroy" "MYu" futbolchisini sotib ololmaydi

"Manchester Yunayted" yarim himoyachisi Skott Maktominey bir qancha klublar, jumladan "Galatasaroy"ning nishonida turibdi.

Shu bilan birga, turk klubi 27 yoshli shotlandiyalik futbolchini yozda qo'lga kiritishning iloji bo'lmasligiga ishonmoqda. Gap shundaki, "sherlar" Maktominey uchun 15 million evrodan ko'proq pul to'lashga qodir emas. Bu haqda taniqli jurnalist Rudi Galetti xabar bermoqda.

Transfermarkt portali Skott Maktomineyni 32 million evroga baholamoqda. Yarim himoyachi "Manchester Yunayted" akademiyasi tarbiyalanuvchisi, u faoliyati davomida hali boshqa jamoalarda o'ynamagan.