"Bavariya" ikki futbolchisini "MYu"ga sotishdan bosh tortdi

"Bavariya" "Manchester Yunayted"ning Myunxen klubi himoyachilari Matteys de Ligt va Nussair Mazrauini sotib olish bo'yicha taklifini o'yinchilar uchun taklif qilingan narx nuqtai nazaridan arzon deb hisoblab, rad etdi. Bu haqda jurnalist David Ornshteyn ijtimoiy tarmog'ida ma'lum qildi.

Manbaga ko'ra, "Bavariya" rad javobini bergan bo'lsa-da, tomonlar o'rtasidagi muzokara jarayoni yakuniga etmagan. "Manchester Yunayted" De Ligt va Mazraui transferlarini amalga oshirish uchun yana bir urinib ko'radi. Ta'kidlanishicha, ingliz klubi futbolchilarga besh yillik va yana bir mavsum uzaytirish imkoniyati bilan shartnoma taklif qilmoqda.

O'tgan mavsum yakunida "qizil iblislar" Angliya kubogini qo'lga kiritdi.