La Liga klubi o'z futbolchisini "Arsenal"ga sotib, o'rniga "PSJ" yarim himoyachisini olib kelmoqchi

Karlos Soler Ispaniya chempionatiga qaytishi mumkin.

Insayder Fabritsio Romano xabariga ko'ra, "Real Sosedad" yarim himoyachi bilan shartnoma imzolamoqchi. La Liga klubi "PSJ" bilan muzokaralar olib bormoqda va ular allaqachon rivojlangan bosqichda. Futbolchining o'zi bilan tuzilgan shartnoma shartlari ham muhokama qilinmoqda.

Soler "Arsenal"ga o'tish arafasida turgan Mikel Merinoning o'rniga ko'rilmoqda.

O'tgan mavsumda "Valensiya"ning sobiq yarim himoyachisi Liga 1da 24 ta o'yin o'tkazib, 2 ta gol urgan.