"Milan" Fofanaga rasmiy taklif yubordi

"Milan" Yusuf Fofananing transferi bo'yicha ilk rasmiy taklifni yubordi.

Insayder Janluka Di Martsio xabariga ko'ra, "rossonerilar" yarim himoyachini 17 million evro evaziga sotib olishga harakat qilgan. Futbolchini 35 million evroga baholagan "monegaskliklar" bunday shartlarga rozi bo'lmasligi kutilmoqda.

Qayd etilishicha, 25 yoshli frantsiyalik futbolchini arzonroq sotib olish mumkin, ammo yarim narxda emas.

Shuningdek, so'nggi soatlarda "Monako" Premer-liga klubidan katta taklif oldi, ammo u evrokuboklarda qatnashmaydi va shuning uchun futbolchining o'zi ham bu taklifni ko'rib chiqishni istamayapti.

Avvalroq yarim himoyachiga "Manchester Yunayted" va "Atletiko" klublari qiziqish bildirayotgani haqida xabarlar tarqalgan edi.