"Real" futbolchisi "PSJ"ga o'tish uchun ikkita taklifni rad etdi

"Real"ning braziliyalik hujumchisi Rodrigo Frantsiyaning "PSJ" klubiga o'tish borasidagi ikkita taklifni rad etdi.

Parijliklar jamoani tark etgan Kilian Mbappe o'rniga futbolchi olmoqchi bo'lishdi, ammo hujumchi rad javobini berdi. Todofichajes nashrining xabariga ko'ra, Rodrigo "Qirollik klubi"da qolishga va asosiy tarkibdan joy uchun kurashishga qaror qilgan.

Eslatib o'tamiz, bu yozda "Los Blansos" hujumini Kilian Mbappe va Endrik bilan kuchaytirdi. 23 yoshli braziliyalik futbolchi 2019 yilning yozidan buyon "Real"da o'ynab kelmoqda. Tomonlar o'rtasidagi amaldagi shartnoma 2027/2028 yilgi mavsum oxirida yakuniga etadi. Rodrigoning transfer qiymati 110 million evroga baholanmoqda.