De Xeaga uchta klub da'vogarlik qilmoqda

2023/2024 yilgi mavsumni o'tkazib yuborgan "Manchester Yunayted"ning sobiq darvozaboni David de Xeaga bir nechta chempionatlardan takliflar bor. Bu haqda Todofichajes sahifalarida xabar berildi.

Manbaga ko'ra, ular 33 yoshli darvozabonni MLS, Saudiya Arabistoni chempionati, shuningdek, A Seriyada ko'rishni istashmoqda. Italiya chempionati ispaniyalik posbon uchun ma'qul variant. 2023 yilning iyulidan David erkin agent hisoblanadi.

U 2011 yildan 2023 yilgacha "Manchester Yunayted"da o'ynagan. Darvozabon Ispaniya terma jamoasi safida 45 ta o'yin o'tkazib, 36 ta gol o'tkazib yuborgan. Uning bozor qiymati besh million evroga baholanmoqda.