"Latsio" Xames Rodrigesni o'z safiga qo'shib olmoqchi
/ Kiritdi: BestMaster Ko'rilgan: 12
![](https://futboltv.asia/images/transferlar/10.jpg)
"San-Paulu" yarim himoyachisi Xames Rodriges "Latsio" futbolchisiga aylanishi mumkin, deya xabar beradi Gazzetta dello Sport nashri.
Manbaning qayd etishicha, 33 yoshli futbolchining agenti Jorje Mendesh rimliklarga Rodriges bilan shartnoma imzolashni taklif qilgan.
Avvalroq, kolumbiyalik yarim himoyachini "Selta" va "Portu" sotib olmoqchi ekani ma'lum bo'lgandi.
22 iyul kuni Jeyms "San-Paulu" bilan shartnomasini bekor qilmoqchi va Evropaga qaytish niyatida ekanligi haqida ma'lumot paydo bo'ldi.
Rodriges Braziliya klubida 2023 yilning iyulidan buyon o'ynamoqda. Yarim himoyachi jamoa safida 22 ta o'yin o'tkazib, 2 ta gol urdi va 4 ta golli uzatmani amalga oshirdi. U 2024 yilgi Amerika Kubogining eng yaxshi futbolchisi deb topildi. Turnirda futbolchi Kolumbiya terma jamoasi safida oltita o'yinda bitta gol urdi va oltita golli uzatmani amalga oshirdi.