«Barselona» Firpo masalasida «Betis» bilan kelisha olmayapti

«Betis» himoyachisi Xunior Firponing «Barselona»ga o'tish masalasi so'roq ostida turibdi.

Jamoalar transfer narxi borasida bir to'xtamga kela olishmayapti. «Betis» 30 mln evro so'rayotgan bo'lsa, «ko'k-anorranglilar» Firpo uchun 20 mln evrodan ortiq pul bermoqchi emas. «Barselona» yaqin orada kelishuvga erishmasa, o'z e'tiborini boshqa futbolchilarga qaratadi.

Firpo 2018 yildan beri «Betis» sharafini himoya qilib keladi. Uning andalusiyaliklar bilan 2023 yilgacha bo'lgan shartnomasi mavjud.