Dovbik uchun kurashga APL klubi ham qo'shildi

Londonning "Vest Xem" klubi "Jirona"ning ukrainalik hujumchisi Artyom Dovbikni qo'lga kiritish uchun kurashga qo'shildi.

Insayder Mateo Morettoning so'zlariga ko'ra, 27 yoshli ukrainalik futbolchi "Atletiko Madrid"ga o'tishga yaqin turibdi, ammo forvard "matraschilar" bilan shaxsiy shartnomasi shartlari bo'yicha hozircha kelisha olmayapti. "Roma" va endi "Vest Xem" Ukraina terma jamoasi futbolchisini qo'lga kiritish uchun kurashga qo'shildi.

"Bolg'achilar" bu yozda hujum chizig'ini kuchaytirmoqchi. Mutaxassislar Dovbikning transfer qiymatini 35 million evroga baholamoqda.

Eslatib o'tamiz, o'tgan mavsum Artyom Dovbik "Jirona" tarkibida Ispaniya chempionatida 36 ta o'yinda maydonga tushib, 24 ta gol va 8 ta golli uzatmani amalga oshirgan.