Ukrainalik hujumchining "Atletiko"ga o'tmasligi oydinlashib bormoqda

Artyom Dovbikning "Atletiko Madrid"ga o'tishi amalga oshmay qolishi mumkin.

Avvalroq, "Atletiko" va "Jirona" hujumchining transferi bo'yicha bonuslar bilan birga 39 million evroga kelishuvga erishgani xabar qilingandi.

Jurnalist Matteo Morettoning yozishicha, Dovbikning agenti bilan kechagi uchrashuvda "Atletiko" shaxsiy shartnoma shartlari va komissiya to'lovi miqdori bo'yicha kelisha olmadi.

"Roma" va "Vest Xem" ukrainalik forvardning holatini diqqat bilan kuzatib borishmoqda. Ta'kidlanishicha, yaqin soatlarda Dovbik vakili rimliklarning taklifini tinglaydi.

Dovbik o'tgan mavsum La Ligada 36 o'yinda 24 ta gol urib, 8 ta golli uzatmani amalga oshirib, eng yaxshi to'purarga aylandi.