"Yuventus" futbolchisiga uchta klub da'vogarlik qilmoqda

Serbiyalik hujumchi Filip Kostich katta ehtimol bilan Turinning "Yuventus" klubini mavsum oralig'ida tark etadi. U klubning yangi bosh murabbiyi Tyago Mottaning o'yin uslubiga to'g'ri kelmaydi.

Kostich xizmatiga uchta klub da'vogarlik qilayotgani ma'lum bo'ldi. Corriere Dello Sport nashri xabariga ko'ra, Angliyaning "Kristal Pelas”, Turkiyaning "Fenerbaxche", shuningdek, Madridning "Atletiko" klublari serbiyalik futbolchini o'z safiga qo'shib olmoqchi.