Mariano Dias boshqa jamoaga o'tmoqda

"Real" hujumchisi Mariano Dias faoliyatini boshqa jamoada davom ettiradigan bo'ldi. Goal.com tarqatgan xabarga ko'ra, 25 yoshli futbolchi "Monako"ga o'tadi.

Radamel Falkao Turkiyaning "Galatasaroy" klubiga o'tayotgani bois, "Monako" safida uning o'rnini dominikanlik futbolchi egallaydi.

Eslatib o'tamiz, Mariano o'tgan yilning yozida "Lion"dan "Real" safiga kelib qo'shilgandi. Ammo u asosiy tarkibdan muqim o'rin egallay olmadi. Boz ustiga, Zidan "Qirollik klubi" boshqaruviga qaytganidan keyin unga bo'lgan ishonch deyarli yo'qoldi.

Dias yakunlangan mavsumda 19ta o'yinda maydonga tushib, 4ta gol urdi. Uning bozor narxi 20 million evroga teng.