London klubi "Ayaks" hujumchisiga taklif yubormoqchi

Amsterdamning "Ayaks" klubi hujumchisi Brayan Brobbi kelasi mavsumda APLda o'ynashga umid qilmoqda.

"Ayaks" inqirozga uchraganiga qaramay, o'tgan mavsumda shaxsan Brobbi juda yaxshi o'ynadi. Brayan Erediviziyaning 30 ta uchrashuvida 18 ta gol urdi va 8 ta golli uzatmani amalga oshirdi.

Sky Sport Germany nashri xabariga ko'ra, yozda ko'plab klublar Brobbi borasida rasmiy taklif yuborishgan. Ular orasida, "Vest Xem" hamda Italiyaning “Roma” klubi bor.

"Ayaks" bilan shartnomasi 2027 yilgacha mo'ljallangan Brobbining o'zi ham Premer-ligaga o'tish haqida o'ylamoqda.

22 yoshli gollandiyalik futbolchini sotib olish uchun 25-30 million evro (21-25 million funt) etarli bo'lishi kutilmoqda.