"Barselona" Olmoga olti yillik shartnoma taklif qildi

"Barselona" "Leyptsig" va Ispaniya terma jamoasi hujumchisi Dani Olmoga transfer taklifini yubordi, deb xabar beradi Mundo Deportivo nashri. Manbaga ko'ra, Kataloniya klubi futbolchining agentlari bilan bog'lanib, olti yillik shartnoma taklif qilgan.

Olmo 2020 yildan buyon "Leyptsig"da o'ynab kelmoqda va jamoa bilan ikki marta Germaniya kubogi va bir marta Germaniya Superkubogini qo'lga kiritdi. O'tgan mavsumda Olmo "Leyptsig" tarkibida 25 ta o'yinda maydonga tushib, 8 ta gol urdi va 5 ta golga assistentlik qildi. 2007-2014 yillarda Olmo "Barselona" akademiyasida tahsil oldi, so'ngra Zagrebning "Dinamo" klubiga o'tdi va u erda 2015-2020 yillarda o'ynab, besh karra Xorvatiya chempioni bo'ldi va uch marta mamlakat kubogini qo'lga kiritdi.

Olmo Ispaniya terma jamoasi bilan birgalikda 14 iyundan 14 iyulgacha Germaniyada bo'lib o'tgan Evropa chempioniga aylandi. Turnirda Olmo uchta gol urdi va turnirning eng yaxshi oltita to'purari qatoridan joy oldi. Shuningdek, Olmo Ispaniya terma jamoasi tarkibida 2023 yilda Millatlar ligasida g'olib chiqdi. 26 yoshli futbolchining bozor qiymati 60 million evroga baholanmoqda.