Donnarumma APLga yo'l olishi mumkin

Italiyalik darvozabon Janluidji Donnarumma "PSJ"ni tark etib, faoliyatini Angliya Premer-ligasining top-klubida davom ettirishi mumkin, deb xabar bermoqda Todofichajes portali.

Manbaning xabariga ko'ra, darvozabonni transferga "Manchester Siti" klubi qiziqmoqda. Jamoa bosh murabbiyi Pep Gvardiola Donnarummani Ederson Moraesga o'rinbosar sifatida ko'rmoqda. Braziliyalik darvozabon joriy transfer oynasida Saudiya Arabistoni chempionatiga o'tishi mumkin.

25 yoshli italiyalik posbonning transfer qiymati 40 million evroga baholanmoqda. Janluidji parijliklar bilan 2026 yilning iyun oyi oxirigacha shartnoma majburiyatiga ega.