Lukakuning "Napoli"ga o'tishi barbod bo'lishi mumkin

"Chelsi"ning belgiyalik hujumchisi Romelu Lukakuning "Napoli"ga transferi amalga oshmay qolishi mumkin.

Jurnalist Ben Jeykobs o'zining ijtimoiy tarmoqlarida xabar berishicha, London klubi o'z futbolchisi uchun 45 million evro olish niyatida, ammo "Napoli" buncha pul to'lashga tayyor emas. Italiya klubi Lukaku uchun 25 million evro to'lashga tayyor.

Avvalroq Lukakuning o'zi ham "Napoli" futbolchisi bo'lishni va yana Antonio Konte bilan ishlashni xohlayotgani haqida ma'lumotlar paydo bo'lgandi. Lukakuning "Chelsi" bilan shartnomasi 2026 yilgacha mo'ljallangan. Transfermarkt hujumchining bozor narxini 30 million evroga baholamoqda.