"Yuventus" Todibo uchun qancha mablag' taklif qilgani ma'lum bo'ldi

"Yuventus" Jan-Kler Todibo uchun "Nitstsa"ga 40 million evrodan kam pul taklif qilmoqchi.

24 yoshli himoyachi ikki hafta oldin turinliklar safiga o'tishga rozi bo'lgandi. Frantsiyalik futbolchi bilan besh yillik shartnoma imzolanishi rejalashtirilgan.

Ikki klub o'rtasidagi transfer bo'yicha muzokaralar har kuni davom etmoqda, deydi insayder Fabritsio Romano.

Todibo o'tgan mavsumda Liga 1da 30 ta o'yinda maydonga tushib, 2 ta golli uzatmani amalga oshirdi.