"MYu" "Arsenal"ning yosh iqtidoriga qiziqish bildirmoqda

"Manchester Yunayted" "Arsenal"dan 16 yoshli hujumchi Chido Obi-Martinni o'z safiga qo'shib olishga yaqin turibdi.

Xabar qilinishicha, "mankunianliklar" iqtidorli o'smirning transferini tezroq yakunlash uchun barcha imkoniyatlarni ishga solishmoqda. Bunga sabab Obi-Martinga Angliya Premer-ligasidan ham, Germaniya Bundesligasidan ham qiziqish bor.

O'tgan mavsumda Chido Obi-Martin "Arsenal" yoshlar jamoasi tarkibida barcha turnirlarda 26 ta o'yin o'tkazib, 32 ta gol urdi va 3 ta golli uzatmani amalga oshirdi. 16 yoshli hujumchi hali "kanonirlar"ning asosiy klubi safida debyut o'tkazgani yo'q.