Ukrainalik futbolchi "Arsenal"ga o'tishi mumkin

Angliyaning "Bornmut" klubining 21 yoshli ukrainalik himoyachisi Ilya Zabarniy yozda klubini o'zgartirishi mumkin.

Caughtoffside nashri xabariga ko'ra, Londonning "Arsenal" klubi Rikkardo Kalaforidan tashqari yana bir markaziy himoyachini sotib olishni xohlamoqda. "Kanonirlar" Zabarniyning transferi haqida jiddiy o'ylay boshladilar. Qayd etilishicha, "Bornmut" transfer bo'yicha muzokaralarga ochiq, biroq Zabarniy uchun 40-45 million funt sterling ishlab olishni kutmoqda.

O'tgan mavsumda Zabarniy "Bornmut" safida barcha musobaqalarda 42ta o'yin o'tkazib, bitta gol urgan.