"Aston Villi" ustozi bu transferni qattiq talab qilmoqda

"Aston Villa" yangi mavsumda Chempionlar ligasida Angliya sharafini himoya qiladi. Shu faktni inobatga olgan Birmingem klubi yozgi transfer oynasida tarkibini kuchaytirish ustida faol ishlamoqda.

TodoFichajes nashri xabariga ko'ra, "Aston Villa" ustozi Unai Emeri klubdan "Barselona"dan vinger Rafinyani sotib olishni so'ragan. Rafinyaning "Aston Villa"ga o'tishi taxminan 60 million evroga tushishi mumkin.

Biroq, "Barselona" 27 yoshli braziliyalikning ketishini ma'qullaydimi yoki yo'qmi, hozircha aniq emas. Amaldagi shartnoma Rafinyani "Barselona" bilan 2027 yilning o'rtalariga qadar bog'laydi. Kataloniya klubi safida 87 ta o'yinda maydonga tushgan braziliyalik futbolchi 20 ta gol urgan va jamoadoshlariga 25 ta golli uzatma bergan.