Yoro "MYu" uchun tibbiy ko'rikning birinchi qismidan o'tdi

Leni Yoro "Manchester Yunayted"ga o'tdi.

Insayder Fabritsio Romano xabariga ko'ra, bugun "Lill" himoyachisi tibbiy ko'rikning birinchi qismidan o'tdi. Yoro barcha sinovlardan o'tib, "Manchester Yunayted" bilan 2029 yilning iyunigacha 5 yillik shartnoma imzolaydi.

Qayd etilishicha, "Lill" va "Manchester Yunayted" kelishuvni yakunlash uchun barcha kerakli hujjatlarni tayyorlagan. Transfer summasi bonuslarni hisobga olmaganda 50 million evroni tashkil qiladi.

Eslatib o'tamiz, "Real Madrid" ham Yoro uchun ariza topshirgan - frantsiyalik futbolchi transferga rozi bo'lgan, ammo Madrid klubi "Manchester Yunayted" taklifi bilan taqqoslanadigan summani to'lashga tayyor emas edi.