"MYu" futbolchisi Frantsiya klubi bilan kelishuvga erishdi

"Manchester Yunayted"dan Meyson Grinvud "Marsel"ga o'tdi.

Insayder Fabritsio Romanoning so'zlariga ko'ra, barcha tomonlar kelishuvga erishgan.

"Manchester Yunayted" transfer uchun bonuslar bilan birga 30 million evro, shuningdek, futbolchining qayta sotish qiymatining 50 foizini oladi.

22 yoshli vingerning frantsuz klubi bilan shartnomasi 2029 yilning iyunigacha amal qiladi.

Bugun u klub bron qilgan shaxsiy reysda Marselga etib keladi, tibbiy ko'rikdan o'tadi va shartnoma imzolaydi.