"Renn" "Bavariya" va "PSJ"ning taklifiga rad javob berdi

"Renn" "Bavariya" va "PSJ"ning 19 yoshli vinger Desir Due borasidagi so'nggi takliflarini rad etdi. "Qizil-qoralar" futbolchi uchun 60 million evro va qo'shimcha to'lovlar talab qilmoqda.

O'tgan haftada "Bavariya" futbolchi uchun bonuslar bilan birga 35 million evro taklif qilgandi, ammo "Renn" rad javobini berdi.

Keyinroq "PSJ" Due uchun bonuslar bilan birga 45 million evro to'lash istagini bildirgan. "Renn" bu taklifga ham rozi bo'lmadi.

Due o'tgan mavsumda "Renn" klubi safida 43 ta o'yinda maydonga tushib, 4 ta gol urdi va 6 ta golli uzatmani amalga oshirdi.

U Frantsiya terma jamoasi tarkibida Olimpiya o'yinlarida ishtirok etadi.